मुखवटा

गर्दीमधुनी चालतो एकटा
चढविला आहे एक मुखवटा
सुख काय, दु:ख काय..
चेहर्‍यावरती एकच छटा.
---
१६-एप्रिल-२०१०

मृगजळ

दाटती डोळ्यांमधी आसवे
आठवताना क्षण ते हसवे
मृगजळ मज सारेच भासते
काय खरे? काय होते फसवे?

---
१६-एप्रिल-२०१०

मन माझं..

मन माझं.. थोडसं शहाणं, खुप सारं वेडं
एका जागी ना कधी, सदा याची गडबड

याच काय हो, पण आम्हाला असतात कामं ऑफीसात,
हे जातं आपलं भिजायला.. आठवणींच्या पावसात
नको जात जाउ सांगतो.. हजारदा तरी दिवसात
ऐकतय कधी?.. येताना ओले.. मग डोळेही असतात

दिसू लागते मग.. जुन्याच जखमांवरची.. नवी ओरखड...
मन माझं.. थोडसच शहाणं, खुप सारं वेडं

तासनतास पाहत असतं.. ’ति’चीच वाट,
याला वाटत.. होइल पुन्हा कधीतरी तिची भेटगाठ
का नाही आठवत याला, तिने फिरवलीय केव्हाच पाठ
या सगळ्यामधे मात्र, याचीच लागतेय पुरती वाट

कधी कळणार ना ’ति’ला, याची ही सगळी धडपड
मन माझं.. थोडसच शहाणं, खुप सारं वेडं

कधी कधी याला काय होतं.. कळत नाही खरं
स्वत:भोवती रिंगण करुन.. त्या शून्यात हरवतं
विचारलं त्याला, वाटत नाही का बाबा तुला बरं
तेव्हा झालेलं असतं ते.. आंधळं-पांगळं.. मुकं नि बहिरं

मग वाटतं, नको रे देवा ही शांतता.. बरी त्याची बडबड
मन माझं.. थोडसच शहाणं, खुप सारं वेडं

----
विक्रम
(०८-१२-२००९)

एकटा

सोडून गेलीस तू अशी
कशी भरणार तुझी उणिव
होतो मी एकटा तुला भेटण्याआधी
आज झाली एकटेपणाची जाणिव

जिद्द

दादरच्या स्टेशनवर पॉलिश करतो मी तासनतास
तेव्हा जाउन कुठे होते कमाई माझी पाच-पचास

हाती उरते कमी, बाकी पिणार्‍या बापास
रात्रशाळेत शिकतो, पुरी कराया आईची आस

बघवत नाही माईकडे, गुदमरुन जातो माझा श्वास
अजुन किती दिवस, सोसणार आहे ती हा त्रास

कधी वाटत बस्स, पुरे झाला हा वनवास
मलाही मोठ्ठ व्हायचय, ध्यानीमनी एकच ध्यास

करुनी खुप-खुप अभ्यास, होणार हो मी पण खास
जीवनाच्या या परिक्षेत, होणार हो मी पण पास

ऐकल आहे, बप्पा मदत करितो त्यांस
कष्ट जे करित राहती, धरुनी भक्तिची कास

इथे काय बसलोय मारत गप्पा, निघतो वदूंन बप्पास
अनंत आहेत माझी ध्येये, किनारा आहे त्या पामरास


- विक्रम

आठवण

खर सांग ना प्रिये, होते का तुला माझी आठवण ?
आठवत का नाही तुला, सोबतचे ते चार क्षण ?

हातामधे हात घेउनी, फिरलो होतो दोघे आपण
विश्व होते दोघांचेच, अन... रमत नव्हते कुठेच मन

सुख-दु:खाच्या गोष्टी केल्या, काय होते त्यास कारण
तुझ्या एका इच्छेसाठी, ठेवला असता जिवही मी तारण

काय झाल कुणास ठाउक, आल कुठून हे वळण
पडल होत सुदंर चांदण, कस लागल त्यास ग्रहण

जाता जाता मागीतलस, का ग अस वचन
Keep Smiling म्हणालिस, केलीस ना माझी अडचण

विचारु नकोस कसा आहे मी, सुनं आहे सार जीवन
जगतो आहे मी मरण, हरएक दिवस हरएक क्षण

खोट का होइना प्रिये, एकदा तरी म्हण
आठवण त्या चार क्षणांची, जपली आहेस सोबत तुपण !!!

- विक्रम

मुक्त तू

जा प्रिये तू आज आहे
मुक्त सार्‍या बंधनातुनी
एक झरा वाहत राहील
फक्त माझ्या अंतरातुनी

सांजवेळी सुमने सुकली
गंध ना त्यांना उरी
दिवस ज्यांनी मोहविला
मग खंत ना आता उरी

वाट जरी एक संपली
अंत हा नाही परी
चुकले ना पाउल एकही
दंड कोणता मी भरी

वन्दीले आज तुज बप्पाला
खोल खोल अंतरातुनी
राहील म्हणाला तुझ्यासवे तो
कणा-कणांतूनी, क्षणा-क्षणांतुनी.

- विक्रम